Ատամների երկփուլային իմպլանտացիա
Էլիքս կենտրոնում մենք վերականգնում ենք բուժառուի ատամնաշարը՝ օգտագործելով իմպլանտացիայի դասական երկփուլային տարբերակը:
Սա բացակայող ատամների վերականգնման ամենահուսալի և անվտանգ մեթոդն է։ Նվազագույն հակացուցումներ, ամբողջական վերականգնում վիրահատությունից 2-4 ամիս անց։
Երկփուլային իմպլանտացիան ատամների երկու փուլով վերականգնման ունիվերսալ տեխնիկա է։ Առաջին փուլում տեղադրվում է ատամնաբուժական իմպլանտը և ծածկվում փականով, երկրորդ փուլում՝ մի քանի ամիս անց, ամրացվում է մշտական ատամնապսակը։
Օսեոինտեգրացիայի (իմպլանտի ամբողջական սերտաճման) ժամկետը տատանվում է 2-ից 6 ամիս՝ կախված ծնոտից (վերին թե ստորին ծնոտն է) և օգտագործվող իմպլանտների հատկություններից:
Երկփուլ իմպլանտացիայի ցուցումներն են`
Բուժառուի մոտ մեկ, մի քանի կամ ամբողջ ատամնաշարի բացակայությունը, մի քանի հարակից կամ ցրված ատամնային միավորների բացակայությունը և այլն:
Երկփուլ իմպլանտացիայի հակացուցումներն են`
Ոսկրային հյուսվածքի բացակայություն, օրգանիզմում բորբոքային պրոցեսների առկայություն, ՄԻԱՎ վարակ, կենտրոնական նյարդային համակարգի հետ կապված խնդիրներ, արյան հիվանդություններ, հղիություն, կրծքով կերակրում։
Երկփուլային իմպլանտացիայի առավելությունները.
Հուսալիություն
Վիճակագրության համաձայն՝ երկփուլային իմպլանտացիան մեծամասնությամբ հաջողությամբ է ավարտվում: Արհեստական իմպլանտները հաջողությամբ սերտաճում են և կատարում են բոլոր հիմնական ֆունկցիաները, օրգանիզմի կողմից մերժման ռիսկերը նվազ են:
Կանխատեսելի արդյունք
Արդեն վիրահատության նախապատրաստման փուլում բժիշկը կարող է կանխատեսել արդյունքը։ Բժիշկը հաշվի է առնում ոսկրային հյուսվածքի վիճակը, ընտրված իմպլանտը, ատամների ընդհանուր վիճակը, կոշտ և փափուկ հյուսվածքները։
Ստերիլություն
Արհեստական ատամը տեղադրելուց հետո տեղադրվում են կարեր, ինչը նվազագույնի է հասցնում բաց վերքով հարուցիչների ներթափանցման վտանգը։
Հարմարավետ պայմաններ
Օսսեոինտեգրացիայի և մշտական պսակի տեղադրման միջև կարճ ընդմիջումը թույլ է տալիս իմպլանտը հաջողությամբ արմատավորվել, և հիվանդին հոգեպես և ֆինանսապես նախապատրաստվել իմպլանտի տեղադրման հաջորդ փուլին: Արդյունքին հասնելու բավարար ժամանակը Եթե իմպլանտացիայի վիրահատությունը կատարվում է ստորին ծնոտի վրա, ապա ամբողջական ապաքինման շրջանը տեւում է մոտ երեք ամիս։ Վերին ծնոտի համար իմպլանտների ամբողջական ապաքինման ժամկետը մոտավորապես 4-5 ամիս է:
Որո՞նք են տարբերությունները միափուլ և երկփուլային իմպլանտացիայի միջև:
Երկփուլային մեթոդի դեպքում իմպլանտների սերտաճման ավելի բարձր հավանականություն կա, քանի որ տեղադրվելուց հետո շրջակա միջավայրի հետ շփում չի լինում, մանրէների ներթափանցման վտանգը նվազում է։
Դասական միափուլ մեթոդով առաջին 20 օրվա ընթացքում՝ մինչև լնդի ձևավորումը, բերանի խոռոչից վարակվելու մեծ վտանգ կա, ինչը վատթարացնում է օսսեոինտեգրման գործընթացը՝սակայն կախված բժշկի պրոֆեսիոնալիզմից սա ևս կարող է դիտվել ցանկալի մեթոդ։
Երկփուլային իմպլանտացիայի մեթոդն ավելի երկար է տևում, բայց միևնույն ժամանակ ունի հաջող արդյունքի ավելի շատ երաշխիքներ։
