Կոմպոզիտային վինիրներ
Կոմպոզիտային վինիրները հատուկ կոմպոզիտային նյութից(պլոմբա) են պատրաստվում և ունեն ատամը երեսպատող ֆունկցիա:
Այս մեթոդիկան կարող է արդյունավետ կերպով շտկել ատամների տարբեր կոսմետիկ թերություններ, ինչպիսիք են անհարթությունները, բծերը, ատամների աննշան շեղված դիրքը և այլն:
Արդյունքը` գեղեցիկ, բնական և ինքնավստահ ժպիտն է: ️
Կոմպոզիտային վինիրների ցուցումներ․
Կոմպոզիտային վինիրները հիանալի լուծում են շատ պացիենտների համար, ովքեր ունեն ատամնաբուժական կոսմետիկ խնդիրներ:
Կոմպոզիտային վինիրների օգտագործումը խորհուրդ է տրվում հետևյալ դեպքերում.
- ատամի էմալային շերտի թերություններ
- միջատամնային տարածությունների առկայություն (դիաստեմա)
- դեղին կամ պիգմենտավորված ատամներ
- փոքր քերծվածքներ և ճաքեր: ️
Կոմպոզիտային վինիրների հակացուցումներ.
Ինչպես ցանկացած բժշկական պրոցեդուրա, կոմպոզիտային վինիրներն ունեն որոշ հակացուցումներ։
Կոմպոզիտային վինիրների օգտագործումը կարող է անցանկալի լինել հետևյալ դեպքերում.
- ատամների գերզգայունություն
- ատամի կարծր հյուսվածքների քայքայում կամ կարիես
- ատամի էմալի բավարար ծավալի բացակայություն՝ վինիրներն ապահով ամրացնելու համար: ️
Կոմպոզիտային վինիրների ծառայելու ժամկետը․
Կոմպոզիտային վինիրներն ունեն երկար ծառայելու ժամկետ՝ պատշաճ խնամքի և ատամնաբույժի կանոնավոր այցելությունների դեպքում: Միջին հաշվով, կոմպոզիտային վինիրների ծառայության ժամկետը 5-ից 7 տարի է, բայց լավ խնամքով նրանք կարող են ավելի երկար ծառայել:
Վինիրների կյանքը երկարացնելու համար խորհուրդ է տրվում.
- Պարբերաբար այցելել ատամնաբույժին՝ վերահսկելու վինիրների վիճակը:
-Խուսափել ատամները կոպիտ իրերով վնասելուց (օրինակ՝ ատամներով շշերը բացելուց):
-Պահպանել բերանի խոռոչի պատշաճ հիգիենան: Կոմպոզիտային վինիրների առավելություններն ու թերությունները.
Կոմպոզիտային վինիրների առավելությունները.
Էսթետիկ գրավչություն.
Ատամների հղկման նվազագույն աստիճան.
Կոմպոզիտային վինիրները ատամի էմալի ավելի քիչ հղկում են պահանջում, քան կերամիկական պսակներով շտկելը:
Արագ գործընթաց.
Վինիրի պրոցեդուրան համեմատաբար արագ է և երկար վերականգնման ժամանակ չի պահանջում:
Կոմպոզիտային վինիրների թերությունները․
Ծառայության ժամկետը:
Թեև վինիրների կյանքի տևողությունը բավականին ադեկվատ է, սակայն որոշ ժամանակ անց դրանք կարող են փոխարինվել:
Զգայունություն.
Որոշ պացիենտներ կարող են ունենալ դարձելի գերզգայունություն վինիրներից հետո։
Կոմպոզիտային վինիրներով բուժման ընթացակարգը:
Խորհրդատվություն և պլանավորում:
Պրոցեդուրայի սկզբում բժիշկը խորհրդակցություն է անցկացնում բիւժառուի հետ՝ քննարկելով նրա ակնկալիքներն ու նպատակները։ Այնուհետեւ նախատեսվում է վինիրների ապագա դիզայնը՝ հաշվի առնելով նյութի ձեւը, չափը եւ երանգը։
Ատամների պատրաստում.
Նախքան կոմպոզիտային վինիրներ կիրառելը բժիշկը խնամքով մշակում է ատամների մակերեսը՝ հեռացնելով էմալի բարակ շերտը։ Սա անհրաժեշտ է վինիրների համար տարածություն ստեղծելու և բնական տեսք ապահովելու համար։
Երանգների ընտրություն.
Բժիշկը օգնում է պացիենտին ընտրել կոմպոզիտային խեժի համապատասխան երանգը, որպեսզի վինիրները ներդաշնակորեն միախառնվեն մնացած ատամների բնական գույնի հետ:
Կոմպոզիտային խեժի կիրառում.
Ատամների մակերեսին շերտ առ շերտ կիրառվում է հատուկ կոմպոզիտային նյութ։ Բժիշկը մոդելավորում և ձևավորում է վինիրներ՝ հաշվի առնելով հիվանդի ժպիտի անհատական առանձնահատկությունները։
Կարծրացում և փայլեցում:
Պահանջվող ձևն ու կառուցվածքը ստեղծելուց հետո վինիրները կարծրանում են հատուկ լույսի միջոցով: Այնուհետև փայլեցնում են դրանց փայլ և հարթ մակերես հաղորդելու համար։
Կոմպոզիտային վինիրների խնամք.
Կանոնավոր մաքրում.
Կոմպոզիտային վինիրներ տեղադրելուց հետո հատուկ ուշադրություն է պետք դարձնել բերանի խոռոչի կանոնավոր հիգիենային։ Պետք է խոզանակել ատամները օրը երկու անգամ և թել օգտագործել:
