Պարոդոնտիտ

Պարոդոնտիտը լնդերի, ավելի ճիշտ՝ ատամի հարատամնային հյուսվածքի (պարոդոնտի) բորբոքումն է, որն առաջանում է ատամների և լնդերի վրա բակտերիալ նստվածքների կուտակման պատճառով։Պարոդոնտը հյուսվածքների համալիր է, որը շրջապատում է ատամը՝ ներառելով ալվեոլային ոսկորը, կապանները, լինդը և արմատների ցեմենտը։

Պարոդոնտիտի բուժման համար կարող եք դիմել Էլիքս բժշկական կենտրոն: Մենք կանցկացնենք թերապիա բակտերիաների ոչնչացման, պարոդոնտալ գրպանիկների վերացման, պարոդոնտիտի բուժման և ատամների ֆունկցիայի վերականգնման համար։

Պարոդոնտիտի պատճառները․

Պարոդոնտիտը զարգանում է որպես գինգիվիտի բարդացում։ Բորբոքումը լնդերից անցնում է ավելի խորը հյուսվածքներ։

Հիվանդության անցման պատճառներ՝

- Միկրոբների քանակի ավելացում

- Բակտերիաների կազմի փոփոխություն՝ գերակշռում են ավելի պաթոգեն ներկայացուցիչները

- Իմունիտետի նվազում

- Ներքին օրգանների հիվանդությունների ֆոնի վրա պարոդոնտի հյուսվածքներում նյութափոխանակության խանգարում։

Պարոդոնտիտի դասակարգում և փուլեր․

Պարոդոնտիտը լինում է սուր և քրոնիկ։ Սուր պարոդոնտիտը շատ հազվադեպ է հանդիպում, սովորաբար՝ որպես տրավմայի կամ քիմիական վնասման արդյունք։ Սա հիմնականում ստոմատոլոգիական միջամտությունների՝ օրթոդոնտիկ բուժման և մկնդեղի կիրառման հետևանք է։ Շատ դեպքերում պարոդոնտիտը քրոնիկական է՝ գինգիվիտի բարդացման արդյունքում և միկրոբների գործունեության հետևանքով։

Ըստ տարածման պարոդոնտիտի պաթոլոգիան լինում է.

- Տեղային՝ միայն մեկ բորբոքման օջախով;

- Գեներալիզացված՝ բազմաթիվ բորբոքման օջախներով։

Պարոդոնտիտի ծանրության աստիճանները․

- Թեթև՝ ատամների և լնդերի ամրակցման կորուստ մինչև 4 մմ

- Միջին՝ մինչև 6 մմ

- Ծանր՝ ավելի քան 6 մմ

Այս բաժանումը բավականին պայմանական է, քանի որ մեկ ատամի վրա պարոդոնտի վնասվածքը կարող է թեթև լինել, իսկ մյուսում՝ ծանր։

Սովորաբար ստոմատոլոգները բախվում են միջին կամ ծանր պարոդոնտիտի հետ, որի դեպքում ոսկորի ոչնչացումը կազմում է ավելի քան 50% ատամի արմատի երկարությունից։ Սա պայմանավորված է նրանով, որ սկզբնական ձևը գրեթե ախտանիշներ չի առաջացնում։ Հիվանդները դրանք չեն նկատում կամ փորձում են ինքնուրույն պայքարել ախտանիշների դեմ։

Պարոդոնտիտի ախտանիշներ․

Հիվանդության առաջին նշանները նման են գինգիվիտի ախտանիշներին։ Հիվանդները տառապում են լնդերի արյունահոսությունից։ Հնարավոր է լնդերի այտուց, կարմրություն, չափավոր ցավ։ Առավոտյան թուքը մածուցիկ է։

Հիվանդության զարգանալով՝ ի հայտ են գալիս ավելի լուրջ ախտանիշներ, որոնք դառնում են բժշկի դիմելու պատճառ.

- Վերին կտրիչների տարանջատում, որն առաջացնում է զգալի գեղագիտական թերություն

- Ատամների շարժունություն

- Ուժեղ ցավ ծամելիս

- Լնդերի վերացում, ատամի արմատի մերկացում

- Տհաճ հոտ բերանից

Հիվանդները կարող են դիմել բժշկի պարոդոնտիտի սրացման ֆոնին։ Սրացումները ծանր են՝ ուժեղ ծակող ատամի ցավով, մարմնի ջերմաստիճանի բարձրացումով, թարախային բորբոքումներով։ Շատերը տառապում են ընդհանուր ախտանիշներից՝ մարմնի ջերմաստիճանի բարձրացում, թուլություն։

Պարոդոնտիտի ախտորոշում․

Ախտորոշման հիմքը ստոմատոլոգիական զննումն է։ Պարոդոնտիտի հիմնական ախտանիշը՝ պարոդոնտալ գրպանիկների առկայություն մինչև 6 մմ խորությամբ։ Կորցրած ոսկրային հյուսվածքի պատճառով ատամները դառնում են շարժուն։ Միաժամանակ հայտնաբերվում են լնդերի պաթոլոգիական փոփոխություններ՝ հիպերպլազիա (աճ) կամ խոցեր։ Գրպանիկների հատակին սեղմելիս նշվում է բորբոքային հեղուկի արտահոսք։ Հնարավոր է ատամների երկրորդային տեղափոխում նրանց շարժունության պատճառով: Պարոդոնտիտի սրացման դեպքում բժիշկը տեսնում է վառ կարմիր գույնի լնդեր, ատամները շարժուն են, պարոդոնտալ գրպանիկից արտահոսում է թարախ։

Պարոդոնտիտի ախտորոշման հիմնական մեթոդները՝

- Զննում

- Պարոդոնտալ գրպանիկների զոնդավորում

- Ռենտգենոգրաֆիա՝ ոսկրային հյուսվածքի վիճակը գնահատելու համար։

Հետազոտություններ ըստ ցուցումների՝

- Համակարգչային տոմոգրաֆիա՝ կապանային ապարատի մանրամասն վիզուալիզացիայի համար

- Ռեոպարոդոնտոգրաֆիա և ուլտրաձայնային դոպլերոֆլոումետրիա՝ պարոդոնտի արյան մատակարարման գնահատման համար

- Դենսիտոմետրիա՝ ոսկրային խտությունը որոշելու համար։

Պարոդոնտիտի բարդություններ․

Եթե հիվանդը չի դիմում բժշկին կամ ստանում է անբավարար բուժում, պարոդոնտիտը կարող է բերել սուր կամ քրոնիկական բարդությունների։ Ամենահաճախ հանդիպող բարդություններն են՝

- Պարոդոնտալ աբսցես՝ թարախային խոռոչի ձևավորում ատամի արմատի մոտ

- Արմատի պերֆորացիա կամ կոտրվածք

- Կորոնալ մասի պերֆորացիա (անցք)

- Ատամի խոռոչի հատակի պերֆորացիա։

Որքան ծանր են բարդությունները, այնքան շատ են պահանջվող բուժական ընթացակարգերը, երկար է տևում բուժումը, և քիչ են սեփական ատամի պահպանման հնարավորությունները։ Ժամանակին դիմեք ստոմատոլոգին՝ հիվանդության առաջին ախտանիշների դեպքում, որպեսզի կարողանաք բուժել հիվանդությունը մինչև բարդությունների զարգացումը։

Պարոդոնտիտի բուժման մասին ավելի մանրամասն կարդացեք ․․․