Ակնեի բուժում Երևանում

Գրավիչ և լավ տեսք ունենալու գլխավոր գրավականը հարթ և փայլուն մաշկն է։ Հաճախ ակնեն հայտնվում է մաշկի վրա և փչացնում ոչ միայն արտաքին գրավչությունը, այլև տրամադրությունը։ 

Առավել ցայտուն է երևում դեմքի ակնեն, որը միշտ գտնվում է «աչքի առաջ» և անհանգստություն պատճառում ողջ օրվա ընթացքում։ Դեմքի ակնեն առավել հաճախ հանդիպում է դեռահասների և երիտասարդների մոտ։

Ակնեի (կորյակների) առաջացման պատճառները տարբեր են՝ քնի խանգարումներ, նյարդային համակարգի անկայուն վիճակ, հորմոնալ խանգարումներ, մաշկի ոչ ճիշտ խնամք, գրգռող սննդի և ալկոհոլի օգտագործում, աղեստամոքսային համակարգի խանգարում, դեղորայքի օգտագործում։

Գոյություն ունեն ակնեի տարբեր տեսակներ և բուժման տարբեր ձևեր: Մեր կենտրոնի մասնագետները բուժում  են  ակնեն անհատական  մոտեցմամբ՝  կախված մաշկի տեսակից և առաջացման պատճառներից։ 

Ակնեի տեսակները․

ակնեն (կորյակները) արտահայտված է լինում մաշկի վրա տարբեր ձևերով՝

բորբոքային՝ այս տիպի կորյակները արտահայտված են լինում մաշկի վրա թարախային բշտիկներով։

ռետենցիոնալ՝ բաց կոմենդոնների և փակ կոմենդոնների տեսքով։ Բաց կոմենդոնները մաշկի վրա արտահայտված են լինում սև կետերի տեսքով, իսկ փակ կոմենդոնները ցայտուն արտահայտված չեն և ունեն սպիտակավուն տեսք։

 Ակնեն ըստ բարդության աստիճանի բաժանվում է մի քանի խմբի՝

• թեթև
• միջին
• ծանր

Ոչ գրագետ բուժումից և կորյակների ծանրության աստիճանից կախված՝ հետագայում առաջանում են նաև սպիներ և հետքեր։

Ակնեի բուժումը

Շատ կարևոր է ակնեի ճիշտ և գրագետ բուժումը։  Հետագա տհաճություններից խուսափելու համար չպետք է զբաղվել ինքնաբուժությամբ՝ օգտագործելով բազմազան «ակնեի դեղեր» կամ պայքարել ակնեի դեմ՝ սեղմելով կորյակները. այս երևույթը շատ տարածված է դեռահասների մոտ։

Նմանատիպ բոլոր միջամտություններն ավելի են խորացնում ակնեն և բարդացնում հետագա բուժումը։

Խնդրի լուծման համար միայն «ակնեի դեղ» օգտագործելը բավարար չէ, Elix Clinic կենտրոնն առաջարկում է ակնեի բուժոման համալիր մոտեցում՝

1․ Պատճառ հանդիսացող գործոնի վերացում

2․ Համապատասխան սննդակարգ

3․ Համատեղ աշխատանք թերապևտի, էնդոկրինոլոգի և գինեկոլոգի հետ

4․ Կոսմետոլոգիական միջամտություններ՝ պիլինգներ, կարբոքսիթերապիա, դեմքի ուլտրաձայնային մաքրում և խնամք։

Բուժման տևողությունը խիստ անհատական է՝ կախված խնդրի բարդությունից և բուժման տեսակից։

Ակնեն և ակնեի հետքերը տարատեսակ թանկարժեք քսուքներով թաքցնելու կարիք այլևս չկա, քանի որ ակնեից մեկընդմիշտ ազատվելու համար կարող եք դիմել մեր մասնագետներին, ովքեր մեծ պատրաստակամությամբ կօգնեն, որ Դուք բարելավեք Ձեր գրավչությունը և հմայքը։

Ակնեի բուժում Երևանում  | Հաճախ տրվող հարցեր

➢ Որտե՞ղ կարելի է բուժել ակնեն Երևանում։

Երևանում ակնեի արդյունավետ բուժման լավագույն հասցեներից է Elix Clinic-ը։ Այստեղ իրականացվում են անհատական մոտեցմամբ բուժում, մաշկաբանական զննում և ժամանակակից թերապիաներ։

➢ Ինչի՞ց է առաջանում ակնեն։

Ակնեն առաջանում է ճարպագեղձերի արգելափակումից, հորմոնալ փոփոխություններից, բակտերիաներից կամ սխալ խնամքից։ Ճշգրիտ պատճառը որոշում է բժիշկը զննման արդյունքում։

➣ Ինչպիսի՞ բուժում է օգտագործվում Elix-ում։

Elix-ում կիրառվում են ակնեի բուժման մի քանի մեթոդ՝ թթվային պիլինգներ, լազեր, դեղորայք, մեզոթերապիա և մաշկի խնամքի պրոֆեսիոնալ ծրագրեր։

➢ Ակնեն հնարավոր է լիովին բուժե՞լ։

Այո՛, ճիշտ մոտեցմամբ և պարբերական վերահսկմամբ հնարավոր է լիարժեք վերացնել ակնեն և վերականգնել մաշկի առողջ տեսքը։

➢ Ինչքա՞ն ժամանակ է տևում ակնեի բուժման կուրսը։

Բուժման տևողությունը կախված է ակնեի տեսակից, խորությունից և մաշկի առանձնահատկություններից։ Միջինում՝ 1-3 ամիս։

➢ Ակնեի բուժումն անվտանգ է մաշկի համա՞ր։

Այո՛։ Բոլոր մեթոդները հաստատված են և ընտրվում են անհատապես՝ ըստ մաշկի տեսակին համապատասխան։

➢ Արդյո՞ք ակնեի բուժումը կարող է վերացնել հետքերն ու բծերը։

Այո՛։ Հատուկ բուժումներով և պիլինգներով հնարավոր է վերացնել ոչ միայն ակնեն, այլ նաև նրա թողած հետքերը։

➣ Կարելի՞ է դիմել նաև դեռահաս տարիքում ակնեի բուժման համար։

Այո՛։ Elix Clinic-ը ունի փորձառություն նաև դեռահասների մոտ ակնեի բուժման մեջ՝ զգայուն մոտեցմամբ։

➢ Ինչու՞ ընտրել Elix Clinic ակնեի բուժման համար։

Elix-ը տրամադրում է անվճար խորհրդատվություն, ապահովում է անհատական մոտեցում։