Գունափոխված (դեղնած) ատամներ

Պատճառներ և բուժման  մեթոդներ

Բնական ձյունաճերմակ ժպիտը, ցավոք, չափազանց հազվադեպ է: Մենք ծնվում ենք մաշկի, աչքերի, մազերի և ատամների որոշակի երանգով: Ժամանակի ընթացքում ատամների գույնը փոխվում և վատանում է, և ամենից հաճախ հայտնվում է դեղնավուն երանգ։ Բայց կարելի է ժպիտին տալ ցանկալի սպիտակություն՝ անկախ գունափոխման պատճառներից։ Կան տնային և մասնագիտական մեթոդներ, որոնք կօգնեն ձեզ դա անել:

Ինչու՞ է հայտնվում դեղին ատամնափառ

Ինքնին ատամի էմալը գույն չունի՝ այն գրեթե ամբողջությամբ թափանցիկ է։ Հանքանյութերը դրան մի փոքր դեղնություն են հաղորդում։ Ատամի կոշտ հյուսվածքները (դենտինը) նույնպես ունեն դեղնավուն գույն։ Այստեղից էլ առաձանում է յուրաքանչյուր մարդու ատամների բնական մի փոքր դեղնավուն երանգը։ Թեթև դեղնությունը վկայում է այն մասին, որ և՛ էմալը, և՛ դենտինը ունեն բավարար քանակությամբ հանքանյութեր: Հանքայնացման բարձր աստիճանը երկար տարիներ ապահովում է ատամների ամրությունն ու առողջությունը։ Ահա թե ինչու ժանիքները, որոնք ավելի շատ դենտին են պարունակում, ամենադիմացկուն ատամներն են, բայց նաև ավելի դեղին են, քան առաջի կտրիչները: Բայց պատահում է, որ ժամանակի ընթացքում մի շարք պատճառներով ատամների բնական դեղնավուն երանգը ավելի է մգանում։

Դեղին ատամնափառի առաջացման հիմնական պատճառների մասին.

➤ Ժառանգականություն

Պիգմենտացիան հիմնականում ժառանգական է: Այնպես որ, եթե ծնողներն ունեն ատամների դեղին էմալ, հավանական է, որ երեխան նույնպես ատամների նման երանգ կունենա։

➤ Ծխախոտի օգտագործում

Ծխախոտի մեջ պարունակող նյութերը ատամների երանգի մգեցման պատճառ են հանդիսանում։ Սա բավականին տարածված խնդիր է բոլոր նրանց համար, ովքեր ծխում են։

➤ Տարիք

Տարիքի հետ օրգանիզմի փոփոխություններն ունեն համալիր բնույթ, դրանք ազդում են նաև ատամների վրա։ Նույնիսկ առողջ ապրելակերպի և գրագետ սնվելու ժամանակ էմալը բարակում և դեղնում է։

➤ Գունավորող խմիչքներ և սնունդ

Սնունդն ու խմիչքը կարող են հագեցած գույներ պարունակել։ Բնական կամ սինթետիկ՝ դրանք կարող են ներկել ատամի էմալը՝ ներթափանցելով նրա ծակոտիների մեջ և փոխելով գույնը։ Դեղին ատամները կարող են լինել սուրճից և թեյից, գազավորված գունավոր ըմպելիքներից, եթե դրանք օգտագործեք անընդհատ և մեծ քանակությամբ։

➤ Դեղորայք

Որոշ դեղամիջոցներ կարող են ատամներին դեղին երանգ հաղորդել։ Դրանք հիմնականում հակաբիոտիկներ են, և, առաջին հերթին, տետրացիկլինային դեղամիջոցներ: գունափոխում կարող է լինել նույնիսկ այն ժամանակ, եթե մայրը հղիության ընթացքում հակաբիոտիկներ է օգտագործել։ Ինչպե՞ս վերացնել ատամների դեղին երանգը Ինչպե՞ս ազատվել ատամների դեղին երանգից։ Դա հնարավոր է տարբեր մեթոդների օգնությամբ, հետևաբար, մի տխրեք, եթե տարբեր պատճառներով ժպիտը բավականաչափ ձյունաճերմակ չէ։ Դուք կարող եք ազատվել ատամնեիը դեղին երանգից ինչպես տնային միջոցների, այնպես էլ ստոմատոլոգի պրոֆեսիոնալ սպիտակեցման միջոցով։

➤ Խնամք և հիգիենա

Ատամների գույնը պահպանելու համար կարևոր է լվանալ ատամները օրական երկու անգամ՝ առավոտյան ու երեկոյան։ Բացի այդ, ամեն անգամ ուտելուց հետո պետք է ողողել բերանը, որպեսզի լվացվեն շաքարի և գունավորող մթերքի մնացորդները: Բերանի խոռոչի հիգիենայի մասին կհոգա նաև առանց շաքարի մաստակը։ Չնայած նման միջոցները չեն սպիտակեցնի ատամները, սակայն կբարելավեն ատամների ընդանուր վիճակը ու գույնը։

➤ Սնունդ

Ինչպե՞ս մեղմացնել ատամների դեղին գունավորումը սննդի միջոցով։ Դրա համար անհրաժեշտ է սննդակարգում ներառել պինդ և խրթխրթան բանջարեղեն և մրգեր՝ գազար, բողկ, խնձոր և այլն։ Դա կօգնի հեռացնել ատամնափառը։ Վիտամին C-ն ունի նաև սպիտակեցնող հատկություն, դրա համար պետք է օգտագործել ցիտրուսային մրգեր, կիվի, ելակ։ Ավելի հաճախ դրանք ավելացրեք ձեր սննդակարգում, կամ պարզապես շփեք ատամները նարնջի կեղևով կամ ելակով: Այս հարցում արդյունավետ է նաեւ բանանի կեղևը։

Պրոֆեսիոնալ սպիտակեցում

Սպիտակեցումը ամենաարդյունավետ և անվտանգ մեթոդն է։ Պրոցեդուրան անցնում է բժշկի հսկողության տակ, այն անվտանգ է (ի տարբերություն տնային մաքրման սոդայով) և արդյունավետ՝ ատամների երանգը կարող է դառնալ մի քանի տոն ավելի բաց։ Պրոցեդուրան վճարովի է, սակայն թույլ է տալիս վերականգնել ատամների բնական գույնը, իսկ արդյունքը պահպանվում է մոտ երկու տարի։