Ակնեի բուժում
Ինչպես հասկացանք նախորդ նյութից, բշտիկների առաջացման բազմաթիվ պատճառներ կան։ Բշտիկների արտաքին դրսևորումները կարող եք բուժել անվերջ, բայց քանի դեռ չի հայտնաբերվել դրանց առաջացման իրական պատճառը, ձեռնարկված բոլոր միջոցները միայն ժամանակավոր ազդեցություն կունենան։ Ուստի կարևոր է անհապաղ դիմել բժշկի՝ նույնիսկ հիվանդության առաջին փուլում։
Բայց պետք է հասկանալ, որ ոչ մի բժիշկ չի կարող պարզապես նայել ձեզ ու անմիջապես նշել պատճառը և նշանակել բուժում:
Անհրաժեշտ է ախտորոշում կատարել՝ բացահայտելու ակնեի առաջացման իրական պատճառը և ընտրել արդյունավետ բուժման ռեժիմ:
Պետք է համբերատար լինել.
Ակնեն հնարավոր չէ բուժել մի քանի շաբաթվա ընթացքում։ Բորբոքային պրոցեսի պատճառն ամբողջությամբ վերացնելու և ռեցիդիվը նվազեցնելու համար պահանջվում է մի քանի ամսվա թերապիա։ Մի թողեք բուժումը կես ճանապարհին:
Ի՞նչ չի կարելի անել ակնեի դեպքում.
Եթե ունեք ակնե ցանկացած փուլում, ապա.
1. Մի սեղմեք բշտիկները։
Լավագույն դեպքում դա մաշկի վրա խորը սպի կթողնի, վատագույն դեպքում կարող է զարգանալ սեպսիս, իսկ հետո վիրահատական միջամտությունից հնարավոր չի լինի խուսափել։ Հատկապես վտանգավոր է քթի խոռոչի եռանկյունու տարածքում խոցերի սեղմումը: Երբ դուք սեղմում եք բշտիկները, դուք վատացնում եք վիճակը, քանի որ բակտերիաները տարածվում են մաշկի ավելի մեծ տարածքի վրա:
2. Մի տաքացրեք մաշկը։
Խուսափեք տաքացնող քսուքներից և թերապիաներից:
3. Մի օգտագործեք հակաբիոտիկներ ձեր հայեցողությամբ առանց բժշկի նշանակման:
4. Մի օգտագործեք «տատիկի մեթոդները» դրանցից մի քանիսը պարզապես վտանգավոր են օրգանիզմի համար և կարող են էլ ավելի մեծ բորբոքում առաջացնել։
5. Մի՛ չորացրեք ձեր մաշկը:
Մաշկի խնամքի ագրեսիվ միջոցները կարող են վատթարացնել մաշկի վիճակը, բայց ոչ մի ազդեցություն չունեն բշտիկների տարածման վրա։
Ցավոք, ակնեի խնդիրը չի կարող լուծվել միայն տնային խնամքով, չեք կարող արդյունքի հասնել առանց կոսմետոլոգի և մաշկաբանի: Միայն բժիշկը կարող է նշանակել արդյունավետ թերապիա և խորհուրդ տալ ձեր կոնկրետ դեպքի համար համապատասխան խնամքի միջոցներ:
Ակնեն կարող է վերադառնալ ողջ կյանքի ընթացքում, եթե բուժումից հետո չպահպանեք խնամքի կանոնները: Եթե ցանի պատճառը օրգանիզմի ներքին խանգարումն է, ապա նախ պետք է դրանք բուժել մասնագետ բժշկի՝ էնդոկրինոլոգի, գինեկոլոգի կամ գաստրոէնտերոլոգի մոտ:
Գլխավորը` բուժումը ժամանակին սկսելն ու խնդիրը չխորացնելն է։
Այսօր ակնեն կարելի է բուժել, և մաշկը վերադառնա իր նախկին գեղեցկությանը:
